జీవకళ ఉట్టి పడుతూ అబ్బుర పరుస్తున్నాయి

అక్టోబర్ 2023 విశాలాక్షిలో ఎడిటర్ గారి సంపాదకీయంలో బతికున్న మేఘమని కీర్తి శేషులు చిరంజీవి గారిని
వర్ణించి ఆయనకి నివాళులు అర్పించారు. 

ముఖచిత్ర కథగా లెజెండ్ చిత్రకారుడు  బత్తుల బాపూజీ గురించి
రజా హుస్సేన్ గారు చక్కగా వివరించి వారి జీవిత విశేషాలను తెలియ చేసారు.

వారి చిత్రాలలో జీవకళ ఉట్టి పడుతూ అబ్బుర పరుస్తున్నాయి.

వసంతగీతం కథ చాలా చక్కగా సాగింది. ఒక పక్షి ప్రాణం కంటే నా ఉక్కపోత
ముఖ్యమా? ఎ.సి. లేకపోతే వారం రోజులు భరించ  లేమా? అనే సందేశాన్ని రచయిత్రి అనసూయ గారు కథగా
చక్కగా మలిచారు. 

కవితల్లో పలమనేరు బాలాజీ గారి “పాప చేతుల్లో ఉన్నపుడు “ కవిత బాగుంది. చిన్న పిల్లలు
దైవ సమానులు అని ఊరికే అనలేదు కదా! 

విశాలాక్షి వార్షికోత్సవ సంబరాలు దిగ్విజయంగా జరగాలని కోరుకొంటూ ..

- 

రాధాయి

హైదరాబాద్ 500 068